الإعلانات

خطة كسر الإنقلاب خبر منتشر على مواقع السوشيال

إنتشر على مواقع السوشيال خبر يحمل إسم خطة كسر الإنقلاب و يتداوله كافة النشطاء ما هو هذا الخبر  تعالوا معا نتابع 
خطة كسر الانقلاب
➖➖➖

🔘 لو اعتبرنا نفسنا فى بطوله بنلعبها ...هقول انهم كسبوا جوله .. ولسه جولات كتير قدامنا وقدامهم .. 
لازم نتحداهم ونكسب الجولات الجاية وناخد البطوله ..

✖ جمعوا متظاهرين غصب عنهم  بالفلوس .. 
👈 ومش هيعرفوا يكرروها كتير .. لانه استنزاف اموال .. وتعطيل اعمال .. وانهاك قوى ..

✖ خدوا اللقطه اللى كنا عاوزين ناخدها .. 
👈 مش هيعرفوا ياخدوها تانى لان اللقطه الاولى اتكشفت للعالم كله .. ولان اللقطه اللى العالم خدها كانت لقطة قفل الشوارع بالمتاريس وتفتيش موبايلات الناس .. 

✖ قفلوا قدامنا كل الشوارع اللى من خلالها كنا نقدر نوريهم احنا مين وهما مين .. 👈 لو عملوا كده فى ايام العمل الرسميه هيخسروا كتير جدا والشوارع هتقف .. والأعمال دى بتخسر البورصه مليارات ..

✖ فتشوا الموبايلات .. 👈 هنستخدم موبايلات زراير واحنا فى الشوارع .. اقل موبايل سعرا هو نوكيا 105 .. اشتروه وانزلةا بيه وقت التظاهر . 

✖ اعتقلوا مننا كتير .. 👈 كلنا هنتحرر .. ولو ضغطنا وانهكناهم غصب عنهم هيستسلموا ومش هتحصل اعتقالات .. 

✖ إعلامهم بيشرشح لينا ويستهزأ باعدادنا ..
 👈 هنحاربه بمعركة الوعى مش الشرشحه وقلة الأدب ..

🔘 احنا بقى لازم نعمل خطة ونلف حوالين هجمتهم الاولى وناخدها لحسابنا .. ونكسب منهم الجولات الجايه  .. 

هتقولوا ازاى نعمل كده ..

🔘 خطة كسر الانقلاب 

1- من خلال السوشيال ميديا لازم نبعت رسايل وعى للمواطنين اللى اتاخدوا غصب عنهم من غير ما نغلط فيهم لإنهم كانوا مجبرين ..

2 - نبدأ نوريهم من خلال السوشيال ميديا اننا ما زلنا اقوياء وهنفضح عميلكم ونفضحكم وبالوثائق ..

3 - ننزل للشارع يوميا تجمعات بمواعيد عشوائيه فى كل انحاء مصر ويكون الاتفاق على النزول من خلال شخصيات نعتبرها رموز او رؤساء المظاهرة ومناخدش الميعاد من اى حد زى محمد على أو معتز مطر ..

4 - نخلى معتز مطر ومحمد على يطلبوا مننا النزول للشارع فى وقت يحددوه واننا هنعمل ثوره فيه فينزلوا يقفلوا البلد .. واحنا مننزلش الا فى وقت بعيد عن الوقت ده او تانى يوم .. عملية انهاك قواهم لازم نشغلها على قدم وساق ..

5 - النزول يكون فى اماكن تعتبر عصب البلد .. زى مثلا الطرق المؤدية للمطار هنوقفها بطرق غير طرق التظاهر .. يعنى مثلا نعطل كم عربيه على الطريق .. نعمل حالة توقف مروريه .. نرمى عجل عربيات ونولع فيه فى كذا منطقه فى الشوارع اللى بتوصل للمطار .. لو الشرطة نزلت وخلصوا من طريق كنا قافلينه قدام شويه يلاقوا طريق تانى بعده نفس الشيء ..

6 - اللى نازل يعمل عمليات وقف الطريق يكون مقنع بأى قناع .. زى شخصية بات مان .. سوبر مان .  الجوكر .. هالك .. وميشيلش القناع الا لما يتأكد ان المكان ده مفيش فيه كاميرات ..

7- نتفق إن الخروج ليلا ميكونش فيه حريم او اطفال عشان ميكونوش سبب لعرقلة الحراك واعتقال الشباب ..

8 - اللى يعتقل منكم متجروش مهما كانت بنادقهم مصوبه ليكم لو اتجمعتم كلكم عليهم هيخافوا منكم .. ومتخرجوش بإيدكم فاضيه .. اخرجوا بحجارة مكسره وظلط وداروه فى جيوبكم .. دا لزوم رد الفعل مش لزوم الفعل .. اصل لازم  تدافع عن نفسك .. مش هنستسلم لرصاصهم .. هما هيخافوا منك لإنك فى حشد .. ولو اعتقلوا حد رمى الحجارة يشتغل بقوة ومتخافوش من رصاصهم دول جبناء ..

9 - السوشيال ميديا مهم جدا .. كله ينزل مقاطع فيديو وهو مقنع .. ويتوعد النظام .. ويحث المتظاهرين على الخروج .. ويشتغل على وتيرة احنا عارفين انهم لموكم فى اتوبيسات .. ورحتم غصب عنهم واحنا كلنا فى مركب واحد ومستنينكم معانا انزلوا نكون إيد واحده ضد الظلم .. عشان مصر تتحرر من العميل الصهيونى ..

10 - إذا كسبنا جوله منفرحش ونقف عند كده .. إذا كسبنا جوله الصبح وهما اطمنوا اننا خلاص خلصنا جولتنا .. نباغتهم بالليل بجوله تانيه ونخرج بكثافه .. أوعوا تريحوهم .. اعملوا مناورات فى الشوارع .. وقسموا نفسكم ورديتين او 3 .. وردية خروج الصبح .. وردية خروج العصر .. وردية خروج بعد العشاء .. وردية خروج من بعد 12 للفجر .. سلموا الورديات لبعض .. استلموا الراية من بعض وغيروا الورديات .. بتوع الصبح ينزلوا العصر والعكس .. اوعوا تسيبوهم يرتاحوا ..

11 - كل مظاهرة من مظاهراتكم حددوا لنفسكم قائد .. من خلاله اتفقوا على مواعيد النزول للشارع .. خلوا العمليه منظمه .. النظام بيربكهم ..

12 - قربوا من ربنا أوى واعرف إنك نازل تجاهد فى سبيل الله والوطن عشان تحرر وطنك وترفع راية دينك اللى عاوزين بصهيونيتهم يطمسوه .. وحط فى بالك ان انتصارك هيخرج كل المعتقلين اللى مستنينا نحررهم .. واوعى ترجعوا للخوف تانى يا أبطال ..

13 - النقطه دى لمحمد يا على 
 لو عندك أسرار عن الصهيوسيسي لسه مقولتهاش اعلن عنها .. ولو معندكش إوهمه إن عندك وانك هتذيع الفضيحة على الملأ فى الوقت الفلانى وخلي المخابرات والشرطة والعالم منتظرين قدام الشاشات فى الوقت اللى هيكون نزولنا الشارع فيه نخلص مهمتنا ونرجع .. وبعدها تقول فضيحتهم او متقولش .. تبقى بكده خدمت الثوار ..

14 - معتز مطر .. محمد ناصر .. محمد على .. هشام عبد الله .. قناة الجزيرة .. كل الناس اللى على السوشيال ميديا .. اشتغلوا على توعيه الناس المغيبه بشده وبكل ادب .. لان بالفعل بيسمعوكم انتم .. وبيتغيروا .. والله بيتغيروا من خلالكم .. بلاش تشتموهم او تحسسوهم انهم وباء ملوش علاج .. فقط اكشفوا بالوثائق صدق كلامكم واشتغلو على وتيرة عواطفهم ..  هما فى أمس الحاجة للكلمة الحلوة الطيبه وهتلاقوهم فى الشارع معانا ..

15 - بإذن الله لما نحس إنهم منهكين جدا وفى حالة انهيار وتشتت .. فى لحظة وعلى حين غفلة وف ساعة الصفر هتكون ثورتنا .. ووقتها هتكون اكبر جوله تحسم البطوله .. وبإذن الله البقاء للأقوى اللى هو احنا بعون الله وفضله وكرمه .. والله على كل شيء قدير ..

🔘 فى النهاية بقول شكرا يا محمد يا على .. انت عملت اللى عليك استمر فى دعمك للثوار وتهزيئ السيسي
الإعلانات

تصفح المزيد!

اغلق
ملخص الحلقة الرابعة 4 إنقاذ بالا خاتون و عودة بامسى للمحاربة مع الإعلان الثانى مترجم المؤسس عثمان