الإعلانات

فنان مصري يوجه رسالة نارية للسيسي ويتحدي الموت

لسه ليه كلام معاكم بكره لازم تفهموا حاجه لو الموضوع فلوس كنت سمعت كلامهم ونفذت وزمانى أغنى من كده مليون مره لان وضعى معاهم كان قوى جداً المشكله اللى بينى و بينهم انى قولت للواء عصام الخولى مدير اداره المشروعات والساده الظباط بحسن نيه ان المشاريع ديه مش هتدخل فلوس للمصريين وكنت حريص جداً فى كلامى عشان فاهم فكرهم ومع ذلك اتحولت للقضاء العسكرى وانا بتهمه من اللواء عصام انى بتكلم فى السياسه 🤔 قولتلهم سياسه ايه يافندم انا بتكلم عن اقتصاد وأنتم فى الاخر اصحاب القرار قالى لا ديه سياسه بذمتكم بما يرضى الله ديه سياسه ولا بتكلم فى اقتصاد مع انى قولت ليه معلش يافندم سامحينى مش معايا شهادات وبتكلم بالفطره والله ولا نفع وبكره هكمل ليكم القصه قبل ما يقتلونى او يقولوا ده انتحر مع انى والله بحب الحياه 🤒 بس بلدى وده نصيبى وبكره تحكموا انى كذاب ولا صادق احكموا ما بينى وبينهم بالعدل وراضى بالحكم بتاعكم........ انا الحمدلله مستور ولكن قضيتى معاهم ولو مت مع انى مستور وكنت ممكن اسكت لكن انا اتربيت فى حته شعبيه وشوفت الفقر مش فى المعيشه ولكن كيف ابداء حياتى وانا محكوم عليا بالإعدام لان مؤهلى دبلوم ......... كان الاول فيه ظلم حقيقى و لكن دلوقتى للاسف بقى كفر.............والإعمار بيدى الله
الإعلانات

تصفح المزيد!

اغلق
الحلقة 148 تحليل الإعلان الثاني للحلقة 148 قيامة ارطغرل الجزء الخامس